Schlafanzugdooch

Ich bin heit aafgwacht
um viertl nou spaat
Und hob mit mir aasgmacht,
dass si heit d' Welt mal ohne mi draaht
Mei Kuapf hout 's niat kennt,
doch mei Söl hout 's glei gspiart,
dass ‘s halt mal bevor i mi verrenn
an Dooch lang nix passiert

Heit is wieder Schlafanzugdooch
wou i nix dou mou grod weil i niat mooch
D' Welt bleibt draass mit ihrem ganzn Gred und Gsooch
Heit is wieder Schlafanzugdooch

Frühstück im Bett
Mei Lieblingsmusik
Und aaf 'm Tablett
schenkt mir as Lebn sovül Zeit fiar mi
Und ich dou, wos ich dou,
schöi kommod und spontan
Ich lou koin Streß niat zou,
naa, heit stöiht nix im Plan

Heit is wieder Schlafanzugdooch
wou i nix dou mou grod weil i niat mooch
D' Welt bleibt draass mit ihrem ganzn Gred und Gsooch
Heit is wieder Schlafanzugdooch