Märchengschicht

Es woar amal a junger Kerl
in Neinburg hint beim Militär

In der Kasern is feieraoubnds niat schöi
drum wollt er nu in d' Disco göih

Vielleicht findt ma duat a Dancing Queen
oder goar sei Lebens-Königin

Als junger Ma hoffst ja, Du findst mal wen
der an Deiner Seitn göiht, as ganze Leben

As Lebn is vül schöiner als die schöinst Märchengschicht
wennst wen findst, der mit Dir göiht und Dei speziells Zauberwort spricht
und der Brunnen der Liebe füllt si mit der Zeit
mit Goldtaler vull Glück und Dankbarkeit

Es is amal a Moidl gwen
dees si eitanzt hout in ihr Lebn

Vo Nürnberg wou sie zum Lerna woar
is s' wochenends so oft hamgfoahrn

Sie woar verabredt mit an Boum
in an Tanzschuppn hint bei Fuhrn

Aa als Moidl traamst ja, du findst mal wen
der an Deiner Seitn göiht as ganze Lebn

As Lebn is vül schöiner als die schöinst Märchengschicht
wennst wen findst, der mit Dir göiht und Dei speziells Zauberwort spricht
und der Brunnen der Liebe füllt si mit der Zeit
mit Goldtaler vull Glück und Dankbarkeit

Und dann woar dees
der bsondre Tog
vo deni zwoa
denn aaf an Schlog
hout sich ihr Lebn
ganz anders gebn:
An dem Aoubnd hobn sa si
as erste Mal gsehng

Er is niat in d' Disco
a Freind hout nan nou Fuhrn mitgnumma
Und ihr Rendezvous
is goar niat kumma
So woar der Weg
so woarn die Herzn frei
fia a Märchen
in ihrer eignen Zeit

As Lebn is vül schöiner als die schöinst Märchengschicht
wennst wen findst, der mit Dir göiht und Dei speziells Zauberwort spricht
und der Brunnen der Liebe füllt si mit der Zeit
mit Goldtaler vull Glück und Dankbarkeit

Und der Brunnen der Liebe füllt si mit der Zeit
mit Goldtaler vull Glück und Dankbarkeit