Hout der Spass mal a Luach
As Lebn is so schöi
hout da alt Schedl immer gsagt,
niat allawaal, weil irgndwöi
as Glick ja aa mal ummaflaggt
Doch dout a Augnblick mir schöi
wird as Glick bei die Hörner packt
Und i lou's zou, dass 's mir guat göiht
grod wöi wenn mi a Engl tragt
Dass i's niat vergiß
und 's niat vergöiht
schreib i's mir eini, töif in mei Söl
und ich sammel alles in an Schiwerl
Ihr kinnts ma's glaam:
es quillt scho iwer
Und hout der Spaß mal a Luach
mach i dees Schiwerl aaf und d' Freid kummt wieder durch
Und hout a Dooch niat gnouch Löicht
gspiar i wöi aas dem Schiwerl d' Wiarm in meine Adern eini kröicht
Oft möin ma wou göih,
wou's koin freiwillich hi verschlagt
Oder löin alles lieng und stöih
wenn uns wos Angst eijagt
Genga vielleicht aa mal in d' Knöih
weil's vo irgndwou her schlagt
und ma trotz aller Möih
niat alles allerwaal vertragt
Dass i niat versinkt,
niat untergöih
halt i mi fest am Schiwerl in der Söl
So vül is gsammelt in dem Schiwerl
und glaabts ma's:
es halt mi driwer!
Und hout der Spaß mal a Luach
mach i dees Schiwerl aaf und d' Freid kummt wieder durch
Und hout a Dooch niat gnouch Löicht
gspiar i wöi aas dem Schiwerl d' Wiarm in meine Adern eini kröicht
Und ich denk ma: ärger di spaader,
mach Musik, göih ins Theater,
göih schwimma, dou relaxen,
lou di beim Brunchen vom Lebn verhexn