Föiß massiern

Is da Dooch
mal wieder länger ganga
niat blouß grodaas,
sondern aa mit steile Ranga
Ab und zu kann oin wos in d’ Knochn einifoahrn
in all deni Joahrn

Aa mit leichte Freizeitschouch
is aaf da Stroußn
as Göih manchmal schwaar gnouch,
grod wenn die groußn
Stoinln unter Deine Haaxn krachn
und Di möid machen

Dann wiar i Dei Föiß massiern
Kannst Du mei Liebe gspiarn?
As Glück schaut gern bei uns vorbei
Göih zou, mach ’s Dir bequem
Leech Di in mei Herzgegnd
Dazou gibt ’s Erdnussflips und a Nittenauer Radler 0,3

Laaffst jede Woch Dei Streckn
ohne Problem
Gstrickte Söckerl,
Lammfellhausschouch san angenehm,
wenn ma allawaal vül unterwegs is ei ins Lebn
mit Glaabn und Gebn

Pack ma Semmeln, glutenfrei,
mit ara Wurscht
in unsern Rucksock ei
und gechan Durscht
homma a Radler mit, weil mia döin gern wandern
vo oim Fluß zum andern

Ich wiar Dei Föiß massiern …

Mit da Elisabeth
nu telefoniern
Danou gemma nu
kurz draassn spaziern
zu unserm Bankerl, dees macht so an Aoubnd nu rund
und halt uns gsund

Du houst an roudn Fiat
mit an schwoarzn Daachl
Wos schenkt ma oina
mit a gröiner Deckn und vül Graaffl?!
Koi Orchideen, koi Alpenveilchen, koi Jogginghosn
höichstns a Rosn

Aaßerdem wiar i Dei Föiß massiern …