Aa d' Angelika michat gern a Weihnachtsengerl saa

Der Petrus hout vül Personal
an der Himmelspfortn drobn
Wennst so a grouß Hotel houst
mousst scho a poar Leitln hobn
und natürlich san dou aa
vül Engl mit dabei

Alles schwirrt und flöigt ummanand
alle hölfn fleißig mit
as ganze Joahr is dou drobn
ja fraali immer vül Betrieb
doch an Weihnachtn höins halt alle
so gern frei

Aa, aa, aa, d' Angelika
michat gern a Weihnachtsengerl saa
a Sternderl trogn oder goar d' Trompetn spüln
Aa, aa, aa, d' Angelika
stöiht jedn Hl. Aoubnd beim Petrus a,
weil sie doch aaramal an Weihnachtn frei hobn wüll

Petrus is dees ganz egal
alle Engel san verdutzt
"Öitzt wird fei erst mal aafgraamt dou
und dann gscheid aassiputzt!"
Oh! Alle Engel san verzweifelt,
weil da Himmel is ja niat grod kloi!

Guat, dann möi ma öitzt halt owan
und dann reiß ma uns öitzt zamm
doch jeder hout os sei Gedanken
und sein Weihnachtstram
und hängt in seiner Phantasie
am Weihnachtsbaam Lametta hi

Aa, aa, aa, d' Angelika …

Und wöi s' dann fertig san
is der ganze Zauber scho fast um
es dauert einfach z' lang
als dass ma nu in d' Mettn kummt
Und zum Trost gibt da Petrus
a Rundn Manna aas

Doch wöi guat höin öitzt a Stolln
und Plätzn gschmeckt
da Duft vo Mandarinen
oder Tannenzweig in jedem Eck
und an Glühwein unterm Baam
weil 's kolt draassn is

Aa, aa, aa, d' Angelika …